Feliz Aniversariu Pa Doben…

Nai haraik isin diak ba hau nia aman doben, ho haraik an hau ata harohan atu Ita haraik ba hau nia aman doben rahun naruk no susesu. Tulun nia atu sai nafatin hun, abut no mahon diak no forte ba nia jerasaun hotu. Haroman nia dalan,tulun nia atu nafatin sai aman diak ba ami oan sira, avo ba nia bein oan sira no kaben ba hau nia inan doben. Hau ata harohan ne’e hodi hau ata nia Nain Jesus Kristu hamutuk ho Espiritu Santo. Amen.

Atendementu iha sala emergensia iha ONGV

Emerjensia katak situasaun ida ne’ebé iha risku nia laran, ne’ebé presiza atendementu imediata. Kazu emerjensia ezizi intervensaun urjente atu evita situasaun ne’ebé aat liu. Iha kualker situasaun emerjensia hanesan moras, dizastre naturais ka seluk tan, intervensaun imediamente ne’e esensial tebes.

Oinsá kona ba atendementu ba ema moras iha ita nia Ospital Nasional Guido Valadares (ONGV)? Hau ba observa beibeik ona iha fatin ne’eba, hau ba iha sala emerjensia, iha neba tenke rejistu lai mak bele hetan atendementu, maibé iha hahalok balu ne’ebé ita hare hanesan la merese atu hetan iha fatin neba. Wainhira ita to’o iha neba ho kondisaun saida deit, maibé ema ida tuur iha rejistu fatin neba laiha kaktak ita tenke hein tan lai, la preokupa moras ne’e hein oras deit ona ka nakdedar hela mós la importa ba sira, tenke hein duni ema ne’ebé rejistu ne’e. Maibé pesoal ida rejistu ne’e nusa mak tenke halo fali servisu seluk, nia hatene katak nia iha sala emerjensia no la’os iha sala de rekreiu? ka ida ne’e tamba pesoal iha neba menus ne’e mak ema ida tenke halo servisu hosi emerjensia ba to’o iha maternidade ka sala sira seluk iha ONGV?

Se pesoal ne’ebé rejistu laiha, pesoal sira seluk ne’ebé tur manggal hela ne’e mós laiha sensibiladade atu foti asaun hodi troka nia maluk atu nune’e bele fó asistensia lalais ba ema moras ne’e, maibé situasaun ne’ebé hau esperiensia foin lalais ne’e hatudu katak pesoal de saude iha sala emerjensia ne’e la konsisten ho nia profesionalismu. Nia medíku joven bonitu ida maibé hatudu oin siak hanesan tigre atu han pasiente, koalia ho lian hirus katak hein eme ne’ebé rejistu, nia sei lori pasien ba sala seluk. Tuir hau nia hatene, emerjensia ne’e 24 oras. Halo oinsá mak pesoal ne’e bele husik hela fatin mamuk hanesan ne’e. Momentu neba pasiente iha sala laran la barak, maibé mediku joven oan ne’e hein los pesoal ne’e mai rejistu lai. Ida ne’e hahalok professionaismu ka? ou hahalok hili familia ka hili kolega? Hau sente rejistu ne’e prosedementu formal no ida ne’e bele kompleta ikus, no hau fiar katak mediku oan ne’e hatene momos hela maibé oinsá mak nia bele abandona tiha ema moras hanesan ne’e?

Hau espera katak ho estrutura foun iha ONGV, bele hadia sistema servisu no modelu asistensia ne’ebé diak liu ba pasiente sira.