Tuir Maromak, Moris Ne’e Nune’e....

Antes Maromak halo mundu, Nia halo uluk ona asu, lekirauk no karau. Ne’e istoria simples ida, Maromak haktuir ba asu, lekirauk no karau, sira konversa durante Maromak halo kriatura.

Maromak halo asu iha loron dahuluk

Maromak dehan nune’e ba asu: “  ó loron-loron tuur iha uma oin no hatenu wainhira ema ruma tama. Hau sei hanaruk o nia otas to’o tinan 20.
Asu hatan: Ne’e kleur liu. Tinan 10 de’it ba... Oinsá se ha’u fó fila tinan 10 ba Ita ?

Maromak simu asu nia husu.

Iha loron daruak, Maromak halo lekirauk. Nia dehan ba lekirauk” haksolok ema ba, halo komik, halo sira hamnasa. Ha’u sei fó tinan 20 ba ó atu halo ida ne’e.

Lekirauk hatan: Ha’u atu halo komik iha tinan 20? Ne’e tempu ne’ebé labadak?  oinsá se ha’u fó fila fali tinan 10 hanesan asu halo?

Maromak hatan: ha’u simu ó nia ideia.

Loron datoluk, Maromak halo karau no dehan:” ó tenke ba natar ho agrikultór sira loron tomak loron-loron no terus iha loron manas nia okos, iha isin di’ak no fornese susu been ba agrikultór sira nia familia. Ho ida ne’e ha’u fó tinan 60 ba ó.

Karau hatan: Oinsá se tinan 20 deit, ha’u fó fila tinan 40?

Maromak  mós simu karau nia ideia.

Iha loron dahaat, Maromak halo ema no dehan nune’e:” Han, toba, halimar, kaben no aproveita ó nia moris. Ha’u sei fó durasaun tinan 20. Maibé ema husu ba Maromak: “ tinan 20 de’it? Se bele Ita fó ha’u tinan 20, tinan 40 ne’ebé karau fó fila, tinan 10 ne’ebé lekirauk fó fila no tinan 10 ne’ebé asu fó fila; ne’ebé konta hamutuk tinan 80, bele ka?

ok,  se ó husu nune’e ha’u fó, Maromak hatan ba ema.

Ida ne’e mak istoria kriasaun; tinan 20 dahuluk ema han, toba, halimar no aproveita moris. Tinan 40 tuir mai, ita servisu makaas atu sustenta ita nia familia. Tinan 10 tuir mai ita halo komik atu haksolok ita nia bei oan sira. No tinan 10 ikus liu, ita tuur iha varanda no hatenu ema.