Profesora ida halo jogu ho nia estudante sira iha iskola:
Profesora haruka nia estudante sira atu lori plastiku transparansia ida ho fehuk roupa…fehuk roupa ne’e bele lori hira deit depende ema hira mak ita rai odio ba…tau ema ne’ebé ita odio nia naran iha kada fehuk roupa, depende ema hira mak ita odio, fehuk roupa mós sura tuir ema hirak ne’e….
To’o ona loron ne’ebé profesora ho estudante sira termina tiha ona atu hahú hala’o jogu ne’e.
Estudante sira halo tuir instrusaun ne’ebé profesora hato’o tiha ona, kada fehuk roupa iha naran no tau iha plastiku transparan ida. Estudante balun lori fehuk roupa 2, balun lori 3 no balun fali lori 5 kedas.
Estudante tenke lori fehuk roupa sira ne’e lor-loron, hodi ba ne’ebé deit wainhira sira sai, ba toilet deit mós sira tenke lori fehuk roupa sira ne’e durante semana ida nia laran.
Loron aumenta ba bei-beik, fehuk roupa mós komesa dodok no iis, estudante sira kole ona no komesa mur-mura, liu-liu sira ne’ebé lori fehuk roupa fuan lima, la’os deit todan maibé iis dois ona.
Semana ida liu ona, estudante sira komesa sente kamán no sira nia terus mós hotu ona.
Profesora husu ba sira, durante semana ida imi lori fehuk roupa ne’e imi sente oinsá?
Estudante hotu-hotu hakilar , ami sente la hakmatek tamba tenke lori fehuk roupa dodok sira ne’e lor-loron.
Profesora komesa esplika signifika hosi jogu ne’ebé sira halo:
wainhira ita la perdua ema seluk ne’ebé halo sala mai ita katak ita rai odio ne’e iha ita nia laran, no lori la’o ba ne’ebé-ne’ebé. Ita sente la konfortu wainhira lori fehuk roupa dodok ne’ebé iis la’o ba mai hanesan ne’e durante semana ida. Oinsá se ita rai odio ba ema seluk durante ita nia moris tomak, ita sente oinsá, kamán ka?
#reflesaun#
No comments:
Post a Comment